18 Soomaali tahriib ah oo ku dhintay Libya.

Published on December 28, 2012 by editor · No Comments

Tahriib ku dhimatay

Sideed iyo toban Soomaali tahriib ah ayaa dhintay, in ka badan labaatanna waa ay ku dhaawacmeen meel u dhaw magaalada Misrata ee dalka Libya kadib markii baabuur ay ku safrayeen uu la qalibmay.

Danjiraha Soomaaliya u jooga dalka Libya, Cabdiqani Maxamed Waceys, ayaa sheegay in baabuurka ay dadkaasi Soomaalida ku safrayeen ay sidoo kale saarneyd shamiinto.

Gaariga, ayaa waxa uu waday ilaa 120 Soomaali tahriib ah oo u socday xeebaha dalka Libya, si ay halkaasi uga sii tahriibaan qaaradda Yurub.
Sanad walba tobannaan kun oo Afrikaan tabriih ah ayaa u safra dalka Libya iyo dalalka kale ee ku yaal waqooyiga Afrika, iyaga oo rajeynaya inay ka gudbaan badda si ay u gaaran Yurub.