Home.Warka

Britian oo soo dhoweysay howlgalka milateri ee ka dhanka ah Al-Shabaab.

Like Tweet Pin it Share Share Email

 

image

Dowladda Britain ayaa soo dhoweysay howlgalka milateri ee ay wadaan ciidanka dowladda federaalka Soomaaliya iyo AMISOM ee la doonayo in dalka looga sifeeyo maleeshiyada Al-Shabaab.

War-saxaafadeed ka soo baxay xafiiska xog-hayaha Britian u qaabilsan arrimaha Afrika, Mark Simonds ayaa lagu sheegay in dowladda Britain ay ku faraxsan tahay howlgalka Soomaaliya looga sifeynayo Al-Shabaab.

Howlgalka ayay ciidanka dowladda iyo kuwa AMISOM waxay ku qabsadeen magaalooyin ku yaalla bartamaha iyo koonfurta Soomaaliya, oo ay horey ugu sugnayd kooxda Al-Shabaab.

Mark Simonds ayaa intaas ku daray in Al-Shabaab ay tahay koox argagixiso oo khatar ku ah xasilloonida iyo horumarka gobolka Geeska Afrika.

War-saxaafadeedka ayaa lagu sheegay in dowladda Britain ay sii wadi doonto taageerada ay siiso ciidamada Soomaaliya iyo kuwa AMISOM, si looga guuleysto maleeshiyada.

Wuxuu ku boorriyey ciidamada is-baheysanaya inay sii wadaan dagaalka ay ku tir-tirayaan maleeshiyada Al-Shabaab.

 

Comments (0)

Leave a Reply

Your email address will not be published. Required fields are marked *