Xildhibaano Qas iyo foowdo ka dhex wada baarlamaanka Somaaliya

 

 

yaab_ahaa_2Xildhibaano katirsan Baarlamaanka Soomaaliya ayaa kulamo ay ku yeesheen Magaalada Muqdisho malamihii lasoo dhaafay, waxa ay isku raaceen in foodo iyo qas ka dhax wadaan fadhiyada Baarlamaanka Soomaaliya si uu dib u dhac ugu yimaado mooshinka ka dhanka ah R/Wasaaraha.

Xildhibaanadan ayaa u badan kuwa Siyaasad ahaan taageersan R/Wasaaraha Soomaaliya kana soo horjeeda mooshinka laga gudbiyay, waxa ayna go’aansadeen markii ay ogaadeen in laga tiro badan yahay in xaalada ay dhan kale u rogaan ayna qas ka dhax bilaabaan fadhiga Baarlamaanka.

Kulankii ay Maanta Baarlamaanka ku balansanaayeen in ay ku yeeshaan Xarunta Golaha Shacabka ayaa baaqday kadib markii buuq iyo foodo madasha ka bilaabeen Xildhibaanada kasoo horjeeda Mooshinka taageeradana u haya R/Wasaaraha Soomaaliya.

yaab_ahaa_3

Xildhibaan katirsan Baaramaanka Soomaaliya ayaa sheegay in Xubnaha foodada ka dhax wada Baarlamaanka ay gaarayaan labaatameeyo ,kuwaa uu sheegay in ay isku balansadeen in qas iyo jahwareer galiyaan kulamada Baarlamaanka si sumcada Baarlamaanka ay hoos ugu dhacdo.

Sida aan Wararka ku heleyno Xildhibaanada Taageersan R/Wasaaraha maantana qaska ka sameeyay kulanka Baarlamaanka ayaa u badnaa Xildhibaanadii kamidka ahaa Baarlamaanadii KMG, kuwaa oo si fiican u yaqaan howlaha nuucaan oo kala ah.

Waxaa laga cabsi qabaa in foodada iyo qaska ay halkooda kasii socdaan kulamada kale ee Baarlamaanka Soomaaliya yeelanayaan hadii aan xal kale la helin , waxaana arimahan hadii ay sii socdaan uu cagta saari doonaa Baarlamaankan hada jira halkii ay ka baxeen Baarlamaankii KMG ahaa .

Share this post

Post Comment