Jawaari: Ma qaban doonno mooshin rabshad wata.

Jawaari-V-300x196

Guddoomiyaha Baarlamaanka Federaalka ah ee Soomaaliya, Maxamed Sheekh Cismaan (Jawaari) ayaa sheegay in uusan qabsoomi doonin mooshin ka dhan ah raysul wasaare Cabdiweli Sheekh Axmed inta ay sii socdaan rabshadaha ka dhacaya kulamada baarlamaanka.

Wuxuu tilmaamay in hab-dhaqanka xildhibaannada uu niyad-jab ku noqonayo shacabka Soomaalida, isagoo xusay inay wanaagsan tahay in ay mudanayaasha u ekaadaan mas’uuliyiin gudanaya waajibaadkooda qaran.

Guddoomiyaha ayaa xaqiijiyay inuu isagu shakhsiyan ku howlan yahay uuna ku rajo weyn yahay xal u helidda khilaafka siyaasadeed ee madaxweynaha iyo raysul wasaaraha.

Jawaari ayaa siyaasiyiinta Soomaalida ah ka codsaday inay ka qeyb qaataan sidii xal looga heli lahaa khilaafka u dhaxeeya madaxda sare ee dowladda.

 

Share this post

Post Comment