Madaxweynaha Soomaaliya oo u dhoofay dalka Masar halkaasi oo ka furmi doono shir caalami ah.

xasan diyaarad

Madaxweynaha Soomaaliya Xasan Sheekh Maxamuud iyo wafdi uu hoggaaminayo ayaa gelinkii danbe ee maanta u ambabaxay dalka Masar, halkaasi oo uu kaga qeybgeli doono shir caalami ah oo looga hadli doono horumarinta dhaqaalaha.

Wafdiga Madaxweynaha ayaa waxaa garoonka diyaaraddaha Muqdisho kusii sagootiyay Wasiiro, Xildhibaano iyo mas’ uuliyiin kale oo dowladda ka tirsan.

Afhayeenka madaxtooyada Daa’uud Aweys ayaa sheegay in madaxweynaha Soomaaliya lagu casuumay shir looga hadlayo arrimaha dhaqaalaha oo ka dhicidoona magaalada Sharma-sheekh ee dalka  Masar.

Wuxuu intaa ku daray in Madaxweynahe Xasan Sheekh uu kulamo la qaadan doono madaxda carabta ee ka qeybgaleysa shirka horumarinta dhaqaalaha ee ka furmi doona Masar.

Booqashada Madaxweyne Xasan uu ku tegayo dalka Masar ayaa noqoneysa tii labaad tan iyo markii uu qabtay Madaxtinimada Soomaaliya.

Author: Liban Farah

Editor of Faafiye.com
Host of Faafiye Show
I can be reached by Email at editor@faafiye.com

Share this post