Nicholas Kay oo cambaareeyay weerarkii Baydhabo.


Ergayga Qarammada midoobay ee Soomaaliya  Nicholas Kay ayaa cambaareeyay weerarkii shalay lagu qaaday xarunta madaxtooyada maamulka Koonfur-galbeed, Soomaaliya ee magaalada Baydhabo.

Danjire Kay ayaa tilmaamay in weerarrada argagixiso aysan hakad galin doonin taageerada uu Qarammada midoobay siiyo maamulka Koonfur-galbeed iyo guud ahaanba Soomaaliya.

Wuxuu kaloo sheegay in beesha caalamku ay ka qayb qaadanayso dhismaha iyo tayo galinta ciidammada Soomaaliya, wuxuuna ka tacsiyeeyay khasaaraha ka dhashay weerarka.

Lix qof ayaa ku dhimatay, tiro kalena way ku dhaawacmeen weerar ay argagixisadu shalay ku qaadday xarunta madaxtooyada  maamulka Koonfur-galbeed, Soomaaliya ee magaalada Baydhabo.

Share this post

Post Comment