Shabab oo Weeraray Saldhiga AMISOM ee Janaale.

Al-Shabaab

Ururka Alshabaab ayaa weerar ku qaaday saldhig Milateri oo ay leeyihiin ciidamada Nabad ilaalinta Midawga Afrika ee AMISOM oo ku yaalla magaalada Jannaale oo qiyaastii 120 KM koonfur kaga beegan magaalada Muqdisho.

Ururka Alshabaab ayaa weerar ku qaaday saldhig Milateri oo ay leeyihiin ciidamada Nabad ilaalinta Midawga Afrika ee AMISOM oo ku yaalla magaalada Jannaale oo qiyaastii 120 KM koonfur kaga beegan magaalada Muqdisho.

Dadka deegaanka ayaa xaqiijiyey in qiyaastii 4:30 subaxnimo ay kooxda Alshabaab weerarka bilawday, waxayna markii hore isticmaaleen qaraxyo kala duwan oo ay ka mid ahaayeen gaadiid walxaha qarxa laga soo buuxiyey oo dhinacyo kala duwan kaga weerareen saldhiga.

Dadka deegaanka ayaa sheegay in kooxda Alshabaab ay gudaha u gashay saldhiga, iyada oo la maqlayo dhawaaqa rasaasta.

Illaa haatan lama hayo wax faahfaahina oo la xidhiidha khasaaraha ka dhashay weerarkaas.

Bishii June 26-keedii ayay ahayd markii Maleeshiyaadka ururka Alshabaab weerar ku qaadeen saldhig ay lahaayeen ciidamada AMISOM oo ku yaallay magaalada Leego, waxayna goobtaas ku dileen in ka badan 50 askari.

Jannaale iyo Leego, labaduba waxay ka tirsan yihiin gobolka Shabeellada Hoose.

Share this post

Post Comment