Sacuudiga oo gabar la doortay.

  

Markii ugu horeysay, ayaa haweeney loo doortay in ay jago dowladeed ka qabato dalka Sacuudiga.Guddiga doorashada boqortooyada, ayaa sheegay in Salma bint Hizab al-Oteibi ay ku guuleystay kursi golaha dowladda hoose ee gobolka Maka, iyadoo ka adkaatay 7 rag ah iyo qof dumar ah.

Ku dhowaad kun dumar ah iyo lix kun oo rag ah, ayaa ku tartamayay kuraasta goloyaasha, inkastoo awoodoodu ay xaddidan tahay.

Doorashada oo dhacday Sabtigii, ayaa aheyd tii ugu horeysay oo qof dumar ah ay isu taagi kartay musharaxnimo, ayna codeyn kartay. Natiijooyinka ugu dambeeyay, ayaa la filayaa maanta gelinka dambe.

Author: Liban Farah

Editor of Faafiye.com
Host of Faafiye Show
I can be reached by Email at editor@faafiye.com

Share this post