Ciidamada Puntland oo weerar ku qaaday koox burcadbadeed ah degmada Garacad

Published on December 12, 2012 by ayaanle · No Comments

Warar dheeraad ah ayaa ka soo baxaya dagaal xoogan oo dhdexmaray kooxo burcadbadeed ah iyo Ciidamada badda Puntland,dagaalkani ayaa waxaa uu ka dhacay xeebta degmada garacad ee gobolka Mudug.

inkasta oo aan la ogaan karin qasaraha dhabta ah ee dagaalkan ayaa waxaa warbaahinta la hadlay gudomiye ku xigeenka Gobolka mudug ee Puntland Axmed Muuse ayaa sheegay in ay dagaal la galeen koox burcad badeed ah oo degmada garacad markab ku heystay muddo sanado ah.

Mudane Axmed Muuse ayaa intaasi raaciyay in ay dileen 3-ka tirsan kooxda burcadbadeeda ah,isagoona qiray in uu jiro qasaare gaaray markabka ay saarnaayeen kooxdan oo muddo u afduubnaa,balse uusan Cadeyn karin inta uu la egyahay.

Dad deegaanka ku dhaqan ayaa warbaahinta u sheegay in ay arkeen diyaaradaha dagaalka ee ay leeyihiin Ciidamda Sarecen oo taageero dawlada Puntland,waxaana ay intaasi raaciyeen in qasaare soo gaaray dadka degmada ku dhaqan balse hadda aan la cadeyn karin.

Markabka kooxdani muddada sanadaha ah ay heysteen ayaa la sheegay in laga leeyahay dalka yaman,iyadoo sidoo kale ay jiraan shaqaale farabadan oo ku jiray muddadas gudaha markabkani oo ku xirnaa degamda garacad ee gobolka Mudug.