Dhageeyso : Fawsiya Yuusuf Xaaji oo u warrantay BBC.

Published on January 11, 2013 by editor · No Comments

aamino1

Wasiirka arrimaha dibedda ee Soomaaliya Fawsiya Yusuf Xaaji Aadan oo booqasho ku joogtay dalka Tayaaniga ayaa sheegtay in ay madaxda dowladda Talyaaniga kala hadashay sidii ay uga qeyb qaadan lahaayeen dhib u dhiska dalka Soomaaliya.

Fawsiya oo wareysi gaar ah siisay BBC ayaa waxa ay la kulantay wasiirka arrimaha dibedda ee Talyaaniga, oo wada hadaladii dhexmaray ay ku tilmaantay inay ahaayeen kuwo is faham leh.

Waxa ay sheegtay in dowladda Talyaanigu ay dhawaan safaaradeedi dib uga furan doonto Soomaaliya.

Fawsiya ayaa socdaal ku maraysay dalal ka tirsan qaaradda Yurub, oo ay u sharaxaysay siyaasadda dowladda cusub ee Soomaaliya.
Toddobaadkii hore waxa magaaladatan London ay kula kulantay Xoghayaha arrimaha dibedda ee Britain, William Hague.

Weriyaha BBC ee magaalada Rome Adan Sabriye ayay uga warrantay wadahadalada ay la yeelatay dowladda Talyaaniga iyo kulamo ay la qaadatay jaaliyadda Soomaalida ee Talyaaniga.