Madaxweyne Xasan oo la kulmay Museveni.

Published on December 26, 2012 by editor · No Comments

Madaxweyne Xassan Sheikh Maxamud iyo Museveni

Madaxweynaha Soomaaliya Xasan Sheekh Maxamuud ayaa wada hadal kula yeeshay dalka Uganda Madaxweynaha Yuweri Museveni.

Sida uu BBC u sheegay Safiirka Soomaaliya ee agaalada Kampala, Sayid Axmed Sheekh Daahir, labada Madaxweyne ayaa waxa ay ka wada hadleen xiriirka labada dal oo uu ku tilmaamay mid hadda nqoday joogto.

Waxa uu sheegay in labada hoggaamiye ay ka wada hadleen arrimaha ammaanka iyo sidii ay Uganda gacan uga geysan lahayd shaqada ay hadda ka wadaan Soomaaliya oo ciidamo ay ka joogaan.

Waxa kale oo la isla soo qaaday sidii ciidanka tababaro loogu fidin lahaa iyo dhisitaanka hey’adaha dowladda.
Madaxweynaha Soomaaliya ayaa booqasho ku maraya dalalka deriska ah sida Kenya oo dhawaan uu kulan la yeeshay Madaxweyne Mwai Kibaki.