NIN ka soo Qeyb Galay Tacsidiisii ama Aaskiisii . Ma dhici Karto ?? Weey dhacday.

Published on October 25, 2012 by   ·   No Comments



Nin Magciisa la yiraahdo Gilberto Marcos Araujo ayaa shacab badan oo ka soo qeyb galay Tacasidiisi ku sababay in ay kala cararaan kadib markuu isagoo socoda ka soo qeyb galay Tacsidii loo dhigay .

Ninkan oo u dhashay wadanka Brazil ayaa waxaa lagu xisaabayay in uu yahay qof ku jiray sanduuqa meeydka oo ay shacabkaas maanta dhan ku Tukaneeyeen laakin Markuu dhinaca kale ka soo galay kaniisadii isagoo socda ayeey kala carareen asxaabtii meeshaas u timi in ay ka soo qeeyb gasho tacsidaas .

Bal sideey beey wax u dhaceen ?

Gilberto Marcos Araujo waxaa weeye Nin 41 Jir ah oo ay shaqadiisu tahay dadka Baaburta dhaqa , waxaa dhacday maalin maalmaha ka mid ah in walaalkiis oo la yiraahdo Jose Marcos Araujo ay Booliska magaalada soo waceen kuna war galiyeen in uu dhintay oo la toogtay Gilberto Araujo kadibna laga codsaday in uu aado Guriga meyda lagu xafido si uu usoo hubiyo in ninka la dilay uu yahay walaalkiis.

Ninkii Jose Marcos Araujo ahaa ayaa aaday meeshii uu yaalaay meydkii, kadibna markuu arkay xaqiijiyay in uu yahay walaalkiisii Gilberto Araujo. Wuxuu kadibna isagoo murugeeysan soo aaday dhinicii gurigoodi si uu u wargaliyo dhamaan eheladii iyo qaraabadoodii .

Qoyskii uu ka dhashay Gilberto Araujo ayaa Murugo la soo daristay iyagoo markeey maqleen geeridiisa oohin afka furtay , Hooyada dhashay Gilberto Araujo ayaa Maalmo badan la murugeeysneed geerida ku timi wiilkeeda iyo sida naxariis darada ah oo raasaasta loogu dilay .

Qoyskii waxeey ooyaanba waxeey bilaabeen abaabul Tacsi in loo dhigo wiilkoodii dhintay , waxay isugu soo yereen dhamaan ehelkoodii iyo intii taqaanay Gilberto Araujo.

Waxaa la qababan qaabiyay Tacsidii iyagoo bixiyay dhamaan lacagtii ay ku soo qoreen dadka guryaha meeyda la dhigo iska leh , iyagoo ka soo qaaday meydkii meeshaas kadibna keenay meel kaniisad ah si ay ugu tukadaan kadibna ay u aasaan .

Kaniisadii la soo dhigay meydkan oo sanduuq ku jiray ayaa waxaa soo buux dhaafshay dad fara badan , kadibna waxaa sii toos ah u bilaabatay ducadii iyo in lagu dul wareego sanduuqa meydka oo furan .

Hadaba saacado yar iyadoo ka har san tahay in Meydkaas la aaso ayaa waxaa dhacday in Ninkii la oran jiray Gilberto Araujo oo socda magaalada dhexdeeda in ay is karaan nin ay saaxiibo ahaayeen , Ninkii oo Naxsan ayaa soo abaaray Gilberto Araujo isagoo argagaxsan ayuu ku Yiri ,,,

War heedhe Miyaadan dhiman ?

Gilberto Araujo ayaa suaashii saxibkii weeydiiyay intuu la yaabay , ku yiriwar waa maxay suaashaad i weeydiineeysid (Naw)”

Ninkii saxiibkii ahaa ayaa usheegay in Familkiisii ay hada ka buuxan Kaniisad iyagoo qaban qaabina isla aaska Gilberto Araujo.

Gilberto Araujo intuu yaabay ayuu soo abaaray gurigoodii oo ay ugu dambeeysay mudo 4 bilood ah , wuxuuna yimi gurigii oo cidla ah .

Maskaxda markuu ka shaqeeysiiyay ayuu ogaaday in qoyskiisii ay aadeen Kaniisada kaliya ee ku taalay Magaaladaas , isla markiina soo aaday dhincii Kaniisada .

Socod yar kadib Gilberto Araujo wuxuu soo galay Kaniisadii isagoo socda , Dhinacna ka istaagay meeshi dadku buuxeen oo ay ku mashquulsanayeen aaska iyo ducada meydka meeshaas yaalay , xooga markuu fiiriyay siday wax u socdeen , uuna arkay islaantii hooyadiis eheed oo iska ooyeesa , ayuu Gilberto Araujo afka furtay isagoo leh ”Hooyo hooyo , waa ikan ma dhiman ” .

qeyladiisii ayaa waxaa ku soo jeestay shacabkii meeshaas isugu yimid si ay uga qeyb galaan wax ay u heeysteen Tacsidii Gilberto Araujo.

Dadkii meesha Joogay markeey arkeen ninkan oo qeylinaya oo ku soo socda ayeey qaar cagta wax ka dayeen , iyagoo qaarna ay isla meeshii ku suuxeen .

Intii carartay ayaa waxeey isku qabsadeen ALBAABKA , iyadoo nin ba ninkuu ka xoog badnaa ku tuntay si uu uga baxo meeshan REER AAKHIRADKA socda soo galay.

Sheekadii ayaa waxeey qabsatay magaaladii oo dhan ,, shacabkii ayaa waxaa iskugu darsamay Naxdin iyo Yaab .

Qalalaasihii kadib iyo markii intii suuxday ay soo kaceen , intii carartayna ay dib ugu soo noqdeen Meeshii ayaa waxaa biloowday hadal .

Gilberto Araujo wuxuu dadka u sheegay in uusan dhiman ee meesha khalad ka jiro.

Calaa iyo Taxaal , Ninkan waxaa lagu khalday Nin isla Magaaladaas Daganaa oo ay aad isugu egyihiin sida aad sawirka uga jeedaan .

Ninka Meydka ah ayaa waxaa lagu dilay xabad, kadibna markii la soo wacay Walaalka Jose Marcos Araujo uu ku qalday ninkan dhintay Jose Marcos Araujo madaama ay aad isugu ekaayeen .

Tacsidii ayaa isku badashay farxad , Hooyadii Jose Marcos Araujo oo ka murugeysneed waxeey u maleeyneeysay Geerida wiiilkeeda Jose Marcos Araujo, ayaa aad u faraxday markay xaqiiqsatay in wiilkeedii uu noolyahay , Meydka meesha yaaleyna uu yahay qof kale .

Liiban Faarax

Minneapolis

 


Related posts:

COMMENTS (0)

Comments are closed.

Faafiye.com
FAAFIYE.COM

Warbixin

Latest Article.

Weboy