Sadex Askari oo lagu DILAY Magaalada Garissa.

Published on November 20, 2012 by editor · No Comments

Magaalada Gaarissa ee waqooyi bari wadanka Kenya ayaa waxaa lagu Toogtay Sadex Askari oo ka tirsanaa ciidanka Militariga wadanka Kenya .

Sadexdan Askari oo la sheegay in ay ka soo noqdeen Magaalada Kismaayo wakhtii aan sidaas u dheeren ayaa la dilay wakhti ay ku mashquulsanayeen Badalid Taayar ama shaag Gaari ka fariistay wadada Dhinaceeda .

Waxaa la sheegay in Askartaas ay Toogteen Rag ku hubeeysnaa Qoryaha sida darandooriga u dhaca , ragaaso isla markiiba meesha ka baxsaday .

Askar soo gaartay meesha dilkan ka dhacay ayaa isla markiiba ula cararay Cisbitaal Labo askari oo kale oo ku dhaawacmay weerarkaas .

waxaa kaloo la sheegay in kadib ciidanka Milatariga kenya ay isla markiiba Bilaabeen Raadin iyo baaritaan ay u galeen sida ay usoo qaban lahaayeen dadkii geeystay dilalkaas iyagoo ku soo rogay Bandow Magaalada Gaarisa .

wararku waxeey kaloo sheegayaan in Ciidankaas ay Gubeen Suuq Ku Yaala Magaaladaas iyagoo sabab ka dhigay in ay Tuhunsanyihiin in ragii dilalkaas geeystay ay ku dhuunteen suuqaas.