10:24 pm - Wednesday April 23, 2014

Shariif: Muxuu u iloobay baarlamaanka?

1 Viewed editor Comments Off
Somali-President-Sheikh-Sharif

 

Sidii lagu arki jiray wax badan iska ma badalin hadaladiisana laga ma dareemin qof guul daraystay Shariif Sheekh Axmed, madaxweynihii hore ee maamulkii ku meel gaarka. Maadaama hogaanka uu hayay wareegii koobaad, aad ayaa loogu haminayay laakiin guusha ma aysan noqonin dhankiisa.

Khudbadiisa wuxuu ugu mahad celiyay gudiga doorashada, saraakiisha ciidanka, musharraxii la tartamayay iyo qeybo kale oo badan laakiin wuxuu iloobay baarlamaanka.

Mar uu ku dhaw yahay khudbada inuu dhameeyo ayaa wuxuu yiri: “waxaan iloobay baarlamaanka… sababtana waxaan filayaa in aad garan kartiin.” Aad ayaa loogu qoslay hadalkaas kaftanka ah — soo kama wado baarlamaanka waxaan u iloobay wuu i dooran waayay?

Shariif Sheekh Axmed wuxuu si kalsooni leh uu u sheegay doorashada in ay u dhacday si xaq ah xalaalna ah una hogaansan yahay. Wuxuu cadeeyay inuu ku qanacsan yahay wax cuqdad ahna uusan qabin.

Xasan Sheekh Maxamuud, oo guusha isaga ay raacday, khudbadiisa wuxuu ugu horeynba ku bilaabay mahadcelinta baarlamaanka dhammaantood.

Wariyaha Faafiye.com,
Jadmaani — Muqdisho

 

Related posts:

Filed in
Comments are closed