Taliyihii Asluubta DF oo la xukumay.

Published on December 10, 2012 by   ·   No Comments

Maxkamada Darajada 1-aad ee Ciidamada DF ayaa Maanta [Dec 08,2012 ] Xukun xabsi daa’in ah ku riday Taliyihii Ciidamada Asluubta Somalia Gen. Cabdi Maxamed Ismaaciil kadib markii lagu eedeeyay inuu xabsiga dhexe kasii daayay Maxaabiis ka tarsan Al-shabaab.

Taliyaha la xukumay ayaan ku sugnayn Maxkamada waxaana hay’adaha amaanka lagu xukumay inay soo qabtaan taliyaha, iyadoo sidoo kale xukun 5-sano oo xabsi ah lagu riday Xasan Axmed Liibiya oo ahaa agaasimaha maxkamadda ciidamada Qalabka sida oo isagana lagu eedeeyya inuu taliyaha gacan ku siiyay dambiga uu galay.

Gudoomiyaha Maxamada Darajada 1-aad ee Ciidamada DF Col. Liibaan Yaroow oo la hadlay warbaahinta ayaa sheegay in Taiyaha Ciidamada Asluubta lagu helay dambi lagu soo eedeeyay oo ahaa inuu 14 dagaalyahan oo Al-shabaab ka tirsan uu kasii daayay Xabsiga Muqdisho.

“Maxkamadu waxay go’aansatay inay ku rido Taliyihii Asluubta Xabsi Daa’in, sidoo kalena aanu qaban karin darjo ciidan, waxaana laga qaaday darajadii ciidamada uu ku lahaa” ayuu yiri Col. Yaroow oo warbaahinta la hadlay xukunka kadib.

Sidoo kale Xasan Liibiya ayaa isagana la sheegay in lagu helay dambigii loo haystay, iyadoo maxakmadu ay sidoo kale amar ku bixisay in mid ka mid ah xubnihii Al-shabaab oo lagu magacaabo Muuse Ciise Nuur uu xabsigiisa oo ahaa 8-sano sii wato, iyadoo la sheegay in taliyaha la xukumay uu doonayay inuu sii daayo.

Xukunkan ayaa noqonayaa kii ugu horeeyay oo ay Maxkamada Ciidamadu ku rido Eedeysanayaal uu ku jiro Sarkaal sare oo Ciidamada DF ka tirsan, iyadoo dhowr jeer oo hore la sheegay in xabsiga dhexe laga waayay dad sanado badan lagu xukumay.

Maxkamada Ciidamada DF oo la sameeyay sanadkii hore ayaa waxay xukuno kala duwan ku riday xubno ka tirsan Al-shabaab iyo Ciidamo kuwa DF ka tirsan kuwaas oo dhibaatooyin kala duwan u geystay dad shacab ah oo aan waxba galabsan.

Comments
COMMENTS (0)

Comments are closed.

xildhiban

Al-Shabab says ex-Somali MP Salah Nuh Ismail was suicide bomber.

A former member of Somalia's parliament was ...
Abdul Hamid Dashti

Kuwaiti MP gets 11 years in jail for offending Saudi Arabia.

  Controversial Kuwaiti member of parliament Abdul Hamid ...
Abdul Hamid Dashti

Xildhibaan 14 Sano Xarig ah lagu Xukumay.

Xildhibaan ka tirsan Baarlamaanka  dalka Kuweytayaa Maxkamad ...
image

Koffi Olomide case: Kenya deports singer over airport ‘kick’

The Kenyan authorities have deported one of ...
erdogan

Waa nin ceykee ah:- Rajab Tayyip Ardogan.

Istanbuul- Madaxweynaha dalka Turkiga Rajab Tayyip Ardogan, ...
img_0776-1.jpg

Banaanbax looga soo horjeedo Afgambiga fashilmay ee Turkiga oo ka socda Muqdisho.

Muqdisho -Waxaa iminka ka socda Taalada Daljirka ...
img_0775-1.jpg

Sargaalka hogaaminayey Afgambigii dhicisoobay ee Turkiga oo la ogaaday.

Istanbul -Wakaalada wararka Turkiga ee Anadolu ayaa ...
img_0774-1.jpg

Erdogan oo kahadlay Afgambigii dhicisoobay.

Madaxweynaha Turkiga, Recep Tayyip Erdogan, ayaa kasoo ...
img_0063-1.jpg

Deg Deg: Dowlada Turkey oo la afgambiyay. 

Wararka ka imanaya wadanka Turkiga Ayaa sheegaya ...
25-Shishani

ISIS oo xaqiijisay inuu dhintay wasiirkoodi dagaalka

Kooxda isugu yeerta dowladda Islaamka ayaa xaqiijisay ...
Free WordPress Themes UA-29489560-1