Wariye kale oo la dilay iyadoo saddex kale la aasayo

Published on September 21, 2012 by   ·   No Comments

Wariye ayaa lagu dilay magaalada Muqdisho maanta oo Jimce ah, iyadoo saddex wariye kale la dilay fiidnimadii xalay oo Khamiis ahayd.

Xaalad qalqal iyo jahwareer ayaa soo wajahday saxaafadda Soomaaliya taas oo ka dhalatay dilalka isku xigxigay ee ka dhacay caasimadda.

Xasan Yuusuf Absuge, waxaa wariyayaas la dilay shan daqiiqo ka dib markii uu ka soo tagay xarunta idaacadda uu ka shaqeynayay kuna sii jeeday gurigiis.

Wuxuu ka shaqeynayay Wariye Xasan Absuge idaacadda Maanta, howlwadeenada idaacaddaas ayaa u xaqiijiyay warbaahinta qaabka dilka uu u dhacay.

Lama garanayo sababta loo bar tilmaameedsaday wariye Xasan Absuge, waxaana lagu soo beegay iyadoo loo fadhiyay aaska saddex wariye caan ahaa oo weerar ismiidaamin ahaa lagu dilay gudaha magaalada Muqdisho.

Mas’uuliyiin, xubno ka tirsan bulshada iyo hey’ado caalami ah ayaa cambeereeyay dilalka wariyayaasha oo ay u muuqato in ay dib ugu soo laabteen magaalada Muqdisho.

Wariyaha Faafiye.com,
Jadmaani — Muqdisho

Related posts:

COMMENTS (0)

Comments are closed.

Faafiye.com
FAAFIYE.COM

Warbixin

Latest Article.

Premium WordPress Themes